„„თითოეული ჩვენთაგანი ალალბედზე ვწერთ იმას, რაც სიმართლე გვგონია და ყველა ერთმანეთს ვეწინააღმდეგებით. ჩვენი წიგნები ლატარიის ბილეთებს წააგავს. სინამდვილეში მათ ღირებულება არ გააჩნიათ. შთამომავლობა ზოგიერთს ივიწყებს, სხვებს კი ხელმეორედ გამოსცემს და მომგებიან ბილეთს სთავაზობს.” 1 სწორედ ასეთი მომგებიანი ბილეთი ერგო სტენდალის ნაწარმოებებს. მისი რომანები, ნოველები, ესსეები, დღიურები და პირადი წერილებიც კი, დღემდე ინარჩუნებენ თავის ხიბლს და არა მარტო მშობლიურ, არამედ მსოფლიოს მრავალ ენაზე ისევ და ისევ გამოსცემენ. სტენდალის შემოქმედებითი გზა მისი ესსეებით იწყება, რომელთა უმეტესობაც ხელოვნებასა და ლიტერატურას ეძღვნება. მან უდიდესი წვლილი შეიტანა საფრანგეთში რომანტიზმის დამკვიდრების პროცესში, როცა თავისი ესსეს „რასინი და შექსპირის” მეშვეობით, საფრანგეთში პირველმა, ჯერ კიდევ XVII საუკუნეში დამკვიდრებული კლასიცისტური ნორმები უარყო და უპირატესობა რომანტიზმს, იმ დროისთვის ოვატორულ მიმდინარეობას მიანიჭა. სახვითი ხელოვნებისა და მუსიკალური აზროვნების მისეულ შეფასებას მნიშვნელოვანი ადგილი".
ციფრული ბიბლიოთეკა
იხილეთ სრული ვერსია
წიგნის სრული ვერსია ხელმისაწვდომია მხოლოდ საქართველოს უნივერსიტეტის ბიბლიოთეკის წევრებისთვის – სტუდენტებისა და პერსონალისთვის.