ციფრული ბიბლიოთეკა

ინგლისელმა მწერალმა ჯეიმზ მეთიუ ბარიმ თავისი მშვენიერი ზღაპარი 1911 წელს დაწერა მას შემდეგ პიტერისა და ვენდის საოცარი თავგადასავალი მსოფლიოს მრავალ ენაზე ითარგმნა და ბავშვების საყვარელ წიგნად იქცა. გოგონა ვენდი და მისი ორი ძმა ჩვეულებრივი ბავშვები არიან თავიანთი თანატოლების მსგავსად, ისინიც სწავლობენ, ცელქობენ, ოცნებობენ... და აი, მათ ბავშვურ სამყაროში შემოიჭრება პიტერ პენი, ზღაპრული ბიჭუნა, სიცოცხლის, სიხარულის და სილაღის განსახიერება. იგი მათ ოცნების კუნძულზე გაიტაცებს. წიგნში ამ კუნძულს არნახული კუნძული ჰქვია. საოცარი ამბები გადახდებათ თავს პატარა ლტოლვილებს, ბოლოს კი მაინც მშვიდობით ბრუნდებიან შინ.