,,ისტორიულ წყაროებში ჩაღრმავების, აჭარაში მცხოვრებ აფხაზებთან არაერთი შეხვედრის შედეგად, საშუალება მომეცა მკითხველისთვის წარმედგინა ღვთისნიერი ქალბატონი, ღვაწლმოსილი მეცნიერი და ამაგდარი პიროვნება, მოსკოვის ლომონოსოვის სახელობის სახელმწიფო უნივერსიტეტის საპატიო პროფესორი – ფერიდე აცამბა, მეჩვენებინა მისი ცხოვრების მთავარი დეტალები და ამ გზით ენგურს გაღმა დარჩენილი ჩვენი აფხაზნი ძმებისთვის მეთქვა. – ჩვენთან, აჭარაში, ცხოვრობენ თქვენი სისხლი და ხორცი – აფხაზები, აფხაზური კულტურისა და ტრადიციების ღირსეულად შემნახველი ხალხი, შესანიშნავი ქართულ-აფხაზური ოჯახებით, რაც წინაპირობაა ჩვენი დროებითი გაუცხოების დასრულებისა და საქართველოს გამთლიანებისა. სხვა ალტერნატივა არ არსებობს" – ნათელა დუმბაძე.

